Back Гвінейская лесасаванна Byelorussian Mosaic de selva i sabana de Guinea Catalan Guinean forest–savanna mosaic English Gvinea arbara-savana mozaiko Esperanto Mosaico de selva y sabana de Guinea Spanish پارهچین ساوانا–جنگلی گینه Persian Mosaïque de forêt-savane guinéenne French Guinean forest–savanna mosaic GPE Osisi mara mma nke Guinea IG Mosaico di foresta e savana della Guinea Italian
Guineansk skog-savanne-mosaikk (engelsk Guinean Forest-Savanna Mosaic) er ein økoregion danna som eit belte av skog-savannemosaikk som strekker seg igjennom store delar av Vest-Afrika, frå Senegal i vest til dei kamerunske høglanda i aust. Det er ei overgangssone mellom dei øvre guineanske skogane, som består av vestlege guineanske skogar, austlege guineanske skogar og guineansk fjellskog, i sør, og vestsudansk savanne i nord. Regionen går igjennom elleve land, og omfattar eit område på 673 600 km². Landskapet er kjenneteikna av slake åsar, og har ei høgde på rundt 200–500 meter over havet. Det skiftar mellom regnskog, vanleg skog og savanne-område. Nigerelva renn igjennom området. Regionen har eit fuktig tropisk savanneklima, der temperaturen varierer mellom 14 °C og 33 °C, og ein typisk har mellom 1600 og 2000 mm nedbør i året.[1]
WWF har gitt området status Regionally Outstanding i vurdering av kor unikt området er med tanke på biodiversitet, og konserveringstatusen Endangered.[1]